Wêreldbou ideebronne: boererate, folklore en ander ou medisyne

Note: This post is about the Afrikaans book Boererate by Danie Smuts. The video is in English, though, and concerns scientific findings made concerning a medieval recipe for a medicine that may have antibiotic properties.

Wanneer ’n mens op soek is na ’n idee vir ‘n verhaal (veral fantasie) is mitologie en folklore ’n baie goeie punt om mee te begin. Maar folklore is nie net feëtjies en elwe nie – daar is soveel gebruike en bygelowe wat as folklore getel kan word. Met die heruitgawe van Boererate deur Danie Smuts (Penguin), is daar nou weer ’n skatkis van ou kennis beskikbaar vir die hedendaagse leser. Natuurlik moenie al hierdie boererate geglo (of gevolg) word nie, maar dit bly beslis interessant om te lees! Daar is ook heelwat rate op die internet ook te vind, natuurlik – maar neem alles maar met ’n knippie sout.

Boererate deur Danie Smuts

Gepraat van boererate, folklore en goeters, laat dit my dink aan die wonderlike wetenskaplike bevindings wat nie te lank gelede nie aan die media vrygestel is. (Nog ’n bewys dat die Middeleeue nié niks vir die mensdom se vooruitgang beteken het nie...) In een van die mediese boeke van die negende eeu n.C. is ’n resep vir medisyne wat bestaan uit knoffel, uie, wyn en gal. ’n Paar wetenskaplikes het hierdie konkoksie aangemaak en bevind dat dit antibiotiese eienskappe het! Dit lyk selfs belowend om MRSA te dood. Hier is ’n kort video oor hierdie studie en bevindings.